Нэдиэлэтээҕи гороскоп (олунньу 9 – олунньу 16 күннэрэ)

Хой
Кыра кыһалҕаны улаатыннаран дьону кытта сыһыаныҥ тыҥыан сөп. Аҥаардас бэйэҥ эрэ көрүүгүн сөптөөх диэбэккэ, дьон санаатын истэр ардыгар туһалаах. Нэдиэлэ саҥата ыраах айаҥҥа турунуоҥ, онтуҥ ситиһиилээх буолуо. Саҥа дьону кытта билсэн астыныаҥ.

Оҕус
Бу күннэргэ санааҥ көтөҕүллэ сылдьар. Ылсыбыт дьыалаҥ ситиһиилэниэ. Чугас аймахтаргын кытта биисинэс эйгэтигэр өйөһүөххүн сөп. Ол эрээри, ис дууһаҥ кистэлин барытын арыйан биэримэ.

Игирэлэр
Ыраах айантан туттунарыҥ ордук. Тиэхиньикэҕэ сыһыаннаах буоллаххына, бу күннэргэ уруулга олорума. Доруобуйаҕын харыстанарыҥ наада. Тус олоххор барыта этэҥҥэ. Харчыны кытта сыһыаннаах дьыалаҕа болҕомтолоох буол.

Араак
Долгутуулаах көрсүһүү, саҥа билсиһии кэмэ. Ыраах айаҥҥа турунуу, бииргэ сылдьааһын сыһыаҥҥытын өссө тупсарыа. Дьиэ кыһалҕатыгар үтүрүйтэрбэккэ, инниҥ диэки баран ис.

Хахай
Урут ситиһиини аҕалбыт саҥа бырайыактарыҥ эбэтэр биисинэс­кэ сыһыаннаах дьыалаларыҥ үтүө көрдөрүүлээх буолуохтара. Үп-харчы киирэн, санааҥ көтөҕүллүө. Саҥа суолу тобуларгар табыгастаах кэм.

Кыыс
Саҥа мал-сал эбэтэр дьиэ, массыына атыылаһыаххын сөп. Мантан са­­нааҥ көнньүөрүө. Докумуон оҥорсууга болҕомтолоох буол. Тус бэйэҕэр бириэмэ аныыргын умнума. Аһары үлэҕинэн, дьиэ кэргэҥҥинэн үлүһүйэн доҕотторгун умна быһыытыйбыккын.

Ыйааһын
Чугас дьону кытта сыһыан уларыйа турар. Ити ардыгар бэйэҥ настарыанньаҕыттан эмиэ тутулуктаах курдук. Барыах-кэлиэх санааҥ батарбат. Санааҕын сааһыланаргар, инникини толкуйданаргар чуумпу эйгэҕэ наадыйаҕын.

Скорпион
Айар талаанын арыллан, олоҕу саҥалыы ылыныаҥ. Иистэниэххин, уһаныаххын баҕарыаҥ. Итини мүччү тутума. Түргэнник хамсанан биир санаалаахтаргын кытта үмүөрүһэн, элбэҕи ситиһиэххин сөп.

Охчут
Эппит тылгар ардыгар турбаккаҕын, дьон эн тускунан соччото суох өйдөбүллээх хаалар эбит. Саҕалаабыт дьыалаҕын тиһэҕэр тиэрдэргэ кыһан. Үлэҕэр-хамнаскар барыта этэҥҥэ. Оҕолор кыһалҕалара санааҕын баттыыр, ол эрээри ити сотору кэминэн ааһыа.

Чубуку
Дьиэ өрөмүөнннэргэр, саҥа мал атыылаһаргар табыгастаах кэм. Ымсыыра көрбүт миэбэлгин, тиэхиньикэҕин уталыппакка атыылас. Бу кэмҥэ атыыласпытыҥ өр сыллар усталара сулууспалыа.

Күрүлгэн
Дьиэ кэргэҥҥэр харчыттан сылтаан өйдөспөт түгэн үөскүөн сөп. Оҕолор да болҕомто, үп-харчы ирдииллэр. Онон арыый киэҥ көҕүстэнэн, сүбэнэн-соргунан салайтар.

Балыктар
Саҥа мал атыылаһыаҥ. Үгүс доҕоттор, дьүөгэлэр онно-манна кучу­йуохтара. Онно киирэн биэрбэт гына сырыт. Аһыы утаҕы иһэн сыыһа-халты ону-маны саҥарыаххын сөп.

Источник: Саха Сирэ