Гороскоп: ахсынньы 8-15 күннэрэ

Хой

Олоххор тосту уларыйыылар буолуохтарын сөп. Ону буолуохтааҕын курдук ылынарыҥ бэйэҥ илиигэр. Ис куолаһыҥ туох диирин истэ сатаа. Эмискэ атын сиртэн үп-харчы киириэҕэ.

Оҕус

Ханнык баҕарар саҥаны саҕалыырыҥ барыта олоххо киириэҕэ. Онон ол сатаныа суоҕа, бу сатаныа суоҕа диэн кэтэмэҕэйдээбэккэ, иннин диэки күрдьэн ис. Кэргэнэ суох оҕустар  аналларын көрсүөхтэрэ.

Игирэлэр

Бу күннэргэ эмискэ санааҥ көтөҕүллүөҕэ. Ыраах айанныырга тоҕоостоох кэмнэр үүммүттэр. Харчыгын  кэмчилээн туһанаргар сулустар сүбэлииллэр-амалыыллар.

Араак

Бу күннэргэ, төһө кыалларынан, онно-манна ыксаабакка сылдьарыҥ ордук.  Малгын-салгын сүтэриэххин сөп.  Салалта саҥа бырайыагы оҥорорго сорудахтыаҕа, онтон аккаастаныма.

Хахай

Сылайа быһыытыйбыккын. Онон кыаллар буоллаҕына, сынньана сатыырыҥ ордук этэ. Чугас доҕотторуҥ эмискэ бэлэх оҥорон соһутуохтара. Урут билсибит киһиҥ баарын биллэриэҕэ.

Кыыс

Соторутааҕыта сыыһаны-халтыны оҥорбутуҥ бу күннэргэ олоххор биллиэҕэ. Ол эрээри, онтон улаханнык долгуйбатыҥ ордук. Киһи эрэ сыыһар буоллаҕа. Хата, инники өттүгэр тугу гынаргын, үлэлииргин толкуйдаа.

Ыйааһын

Күөн көрсөөччүлэргин кытта  киирсиэҥ. Кыайыылаах тахсыаҥ. Салалтаттан хайҕаныаҥ. Онон туохтан  да куттаммакка, толлубакка, инниҥ диэки дьулуруй.

 Скорпион

Доруобуйаҕын көрүнэриҥ адьас уолдьаспыт. Онон, төһө кыалларынан, бу күннэргэ көрдөрүнэ сатаа. Үлэни эрэ өрө тутума.

Охчут

Тус олоххор барыта этэҥҥэ, эйиэхэ ол эрэ наада. Онтон үөрүөҥ-көтүөҥ, астыныаҥ. Ол эрээри, дьону кытта эйэҕэстик, сайаҕастык кэпсэт-ипсэт.

Чубуку

Барыта уу-нуурал курдук аа-дьуо устуо. Ол эрээри, эмискэ олус үчүгэй бэлэх тутаҥҥын үөрүөҥ-көтүөҥ. Ыраах айанныырга тоҕоостоох кэм.

Күрүлгэн

Дьэ бары өттүнэн ыксаллаах кэмнэр үүнүүһүлэр. Адьас солото суох  буолуоҥ. Саамай сүрүнэ, ыксаама. Эрдэттэн былааннанан оҥорон ис, оччоҕуна барыта табыллыаҕа.

Балыктар

Сыыһаҕар-халтыгар үөрэнэн ис. Ол инники өттүгэр көмөлөһүө эрэ. Бытовой тиэхиньикэлэри атыылаһарга тоҕоостоох кэм үүммүт. Доруобуйаҥ этэҥҥэ эрээри, элбэҕи аһаабатыҥ ордук этэ.

Источник: Саха Сирэ